En Redondela vai unha semana de folga por parte dos traballadores da empresa Urbaser, concesionaria da recollida do lixo. Xa hai lugares onde non se pode pasar, porque o lixo acumulado é tanto que ocupa as beirarrúas por completo, e só o frio evita que o cheiro sexa verdadeiramente insoportable. Os traballadores demandan unha negociación do novo convenio colectivo á que a empresa se nega.
Sorpréndanse vostedes que eu non coñezo a ninguén disgustado con esta folga, o cal non significa que non o haxa, pero sí que non deben de ser moitos. A maioría, apoiamos as reivindicacións dos nove traballadores que secundaron a folga (a plantilla son catorce), fundamentalmente por dúas razóns: A segunda, porque hai un descontento xeneralizado co servicio que empresa está a prestar no noso concello, e existe a crenza popular de que só certa corruptela caciquil explica a recente renovación da concesión. A primeira, porque todo o mundo coñece a algún de eses empregados, e sabemos que as súas condicións laborais e salariales (800 € os peóns e 900€ os conductores) non son precisamente brillantes, hasta o extremo denigrante de non teren unhas duchas no centro de traballo e usaren, a modo de vestuario, un espacio separado do garaxe dos camións por unhas chapas de madeira, ou dispoñer un só peón por camión para que arrastre os contenedores hasta o elevador traseiro (normalmente, é tarefa de dous operarios).
De feito, non é dificil solidarizarse con estes traballadores, dende o momento en que, conscientes dos absurdos servicios mínimos dictados pola empresa (un camión de recollida lateral automática é inutil cando unha morea de lixo sepulta o contenedor), decidiron que tres dos folguistas acompañarían o camión nun coche particular, para asistirlle a tarefa (vese na imaxe), e así paliar os riscos sanitarios derivados da folga.

Pero o peor de todo chegou o venres dia dous, cando se supo que a empresa despedía a oito dos nove empregados que secundan a protesta, incluído o delegado sindical. A maniobra é ilícita, un farol que seguramente será revocado, pero demostra a actitude abusona de Urbaser, ó tempo que aumenta a concienciación e solidariedade hacia os traballadores en folga por parte dos veciños, que están chegando incluso a guinda-lo lixo na porta do Concello en denuncia pola pasividade cómplice que se mantén dende o goberno municipal.
Lamentable, porque a explotación laboral, e o recorte de personal que supuxo a implantación da recollida lateral, só repercuten en beneficio dos titulares de unha concesión que pagamos todos. Sirva este caso como argumento contra aqueles que sosteñen a privatización dos servicios públicos como un camiño para a súa eficiciencia e rendibilidade social.