Voto Nulo.
Meses antes das eleccións municipais, constituise en Redondela unha “Liga Veciñal Polo Voto Util”, que defendeu o voto nulo como forma de rexeitamento xeneralizado a uns partidos oxidados, entre que os que non existe unha verdadeira nova alternativa de goberno local. (lamento non ter apuntado nada ó respecto antes)
Velahí os resultados electorais do Concello de Redondela:
| Partido | Votos | Porcentaxe | Concelleiros |
|---|---|---|---|
| PP | 4.810 | 33,33% | 8 |
| PSOE | 4.413 | 30,58% | 8 |
| BNG | 1.912 | 13,25% | 3 |
| PG | 1.591 | 11,02% | 2 |
| EU | 632 | 4,38% | 0 |
| TG | 589 | 4,08 | 0 |
| Votos Nulos | 1.544 | 9,66% | |
| Votos en Blanco | 485 | 3,04% |
Descoñezo, aínda que considero pouco probable, a existencia de algún outro Concello de Galicia con un dez por cento de votos nulos (a media da provincia de Pontevedra foi do 1,14%, con 6.248 votos nulos en total, mentres que a media estatal foi do 1,17%).
A lectura que eu fago de ese resultado é que, nesta vila, hai un fondo descontento hacia a política local, que os veciños rexeitan e na que non queren participar por considerala un mundo endogámico e corrupto entre outras cousas. Urxe buscar unha forma legal de darlle validez e representatividade a ese voto descontento; naturalmente, a clase política utilizará todo tipo de argumentos contra esa postura, dos cales, o menos malo será a invitación á participación, na que saben que calquera iniciativa allea ós recursos económicos dos grandes partidos está abocada ó fracaso electoral na maioría dos casos.
Acabo de leer este detalle que contas en Brétemas, e alí deixei un comentario. Mira a ver.
Comment by susolista — May 29, 2007 @ 9:43 pm
Pois alí che respondo.
Un saúdo.
Comment by F. Miguez — May 30, 2007 @ 5:51 pm
Non tiña coñecemento de Brétemas e aló fun para ver as vosas opinións ó respecto.
A miña vai un pouco no camiño do meu paisano Suso Lista, excepto nunha cousa: no da obligatoriedade do voto. No tocante a obligatoriedades, as xustas, na miña opinión. Sempre é mellor, penso eu, o convencemento, a formación, a asunción de responsabilidades que a obligatoriedade.
Tema interesante é o das listas abertas que ben merecería polo menos tomalo en consideración.
Efectivamente o índice de Votos Nulos é moi alto, pero ainda que se convertise en concelleiros non terían moito peso…
Por iso concordo con Suso. Ó final, quen sae beneficiada é a dereita. Porque estas inquedanzas sempre están protagonizadas por persoas progresistas.
Comment by Ninsesabe — June 3, 2007 @ 9:41 am
Efectivamente, as ideoloxías máis reaccionarias suelen ter máis fidelideade que as progresistas ou incluso as liberais (esas que non teñen un partido que os represente a nivel do estado español), o cal pon en un dificil compromiso ás personas de esa mentalidade. Outra cousa negativa é o “Voto Util” entendido como o que se lle da á candidatura con posibilidades reais máis próxima á ideoloxía propia, que afianzan o bipartidismo e promocionan a escaseza de ideas.
Comment by F. Miguez — June 4, 2007 @ 12:53 pm